عم نحلمك يا حلم يا لبنان… – بقلم جورج الريّس

انك تكون وطن للانسان
انك تكون الحاضن للفقير
انك تكون الامل لليئسان
العداله فيك ما تعشق التزوير
تا تحمي بقوانينها حيتان
معهم مطرقه ومعهم مسامير
وصفّوا عا كتاف شعبهم صلبان
بعيوني يا وطن انت كبير
ترابك حرّ وصخورك ايمان
ما عاد بدّنا فيك يتمرجل وزير
ولا ” يديّك” علينا نايب برلمان
ولا عصابات تحمّل سواطير
ولا صواريخ تسلبنا الامان
بدنا جيشك عا سياجك نواطير
الا بجيشك ما حدّا رضيان
ولو بحجّمك يا وطنّا صغير
بدّنا ياك للعالم منارة
وتبقى بالعالم زينة الاوطان