“عهد التميمي” – شعر أنطوان خليل الأسمر

مخلوقة بأرض الحرمان

طفلة صغيرة و ما بتلعب

وِعيِت عا دروب الطغيان

لْظلمو سَوّاها ملعب

بِديِت لِحكاية مْنِ زْمان

وكِبرِت تا تصفّي أصعب

من صغرا تصدّ العدوان

ومتل النحلة الما بتتعب

وصفّى بحساب المحتَلّ

إسم قلوب الناس احتَلّ

” عهد التميمي ” خطَيّي

عليها سيف النقمة استَلّ

بْشَمخِة نفس الأبِيّي

ما مَرّة العِدّان اختَلّ

قَدّمها العمر هديّي

حَمَّلها لِغراب وفَلّ

وَين الشّرف يا عِربان

حجار القِدسِ بتِمّ الحوت

إنسانِ الفِيكُن هِربانّّ

واستَملَح عقلو لِسكوت

بكرا بِحساب الدَيّان

شو صعبة عالجنّة نفوت

بعكس المنطق والوجدان

هَربوا من الدّيب الرِعيان

وتركوا النعجة عم بِتموت