مقبرة الأشرار – شِعر أنطوان خليل الأسمر

يا جندي بلادي المِستَل
سلاح العِزّة وإسم الجَيش
بالدمّ سياجَك مِبتَل
عم يحرُم غاشِم مِحتَل
ببلادي يحرِمني العَيش

ويا مارِق عا بلاد الغار
تِحرُق أرضي بِجنونَك
هَوني مقبَرةِ الأشرار
صون العِزّة بِتصونَك
مش رح رِشّ الورد زرار
وقِلَّك تِسلَم مَمنونَك
رح إبدُل هالورد بْنار
تِحرُق نَظرات عيونَك

لا تِتْحدّى بْطول وعَرض
ولاد الأرز الما بْيِنهان
“موسى”وَصّى شْعوب الأرض
بْلِبنان ، وحَرَّم لبنان
ولمّا ينادي الواجب، فَرض
علينا تا نصِدّ العِدَوان
جيش بلادي يْصون العِرض
ومْنِ جْهَنَّم ياخد قرض
تا يفادي بْدَمّو الأوطان