” بميلادك يسوع زَهَّرْ كونْ جديدْ “

محطات نيوز –  كريستل ج. حيدر

” بميلادك يسوع زَهَّرْ كونْ جديدْ ”

هيك بولادة يسوع زهر الكون و صارت ألوانه أجمل … حَلِّت المحبة و سَادْ السَّلامْ … يسوع هالإنسان المش عادي هالملك يلي إفتقر ليعلمنا التواضع و إنو المظاهر كلا بس مجرد عادات …

هيك ميلادك يا يسوع زهر كون جديد كمان بقلبنا و حياتنا و هيك إستقبلناك أحلى إستقبال بعيدك نحن جوقة و أوركسترا حب العطاء بريسيتالنا الميلادي الكبير يلي صار الجمعة 23 كانون الأول 2016 الساعة 7 و نص بكنيسة مار يوحنا المعمدان عشقوت و بحضور مجاني لأكتر من 950 شخص و فعاليات و شخصيات و حشد كبير من الأحبة يلي متابعين الجوقة من ال 2012 و ناس من أهل الموسيقى و الفن. قدمت الأمسية الإعلامية المتألقة ريتا بريدي و شاركونا أصدقائنا الفنان توفيق تنوري و المرنمة الأستاذة شانتال عقل بالترانيم و الزميل المرنم جان راضي بصوته و تأملاته الميلادية. كما و إنو ترتل تراتيل جديدة لأول مرة من ألحان المايسترا كريستل ج. حيدر رئيسة الجوقة و قائدة الأوركسترا و أطلقت ترنيمة ميلادية جديدة خاصة فيها “جراس العيد “. عمل كامل متكامل و أفكار مميزة و توزيع جديد و إختيار تراتيل جديدة للمستمعين مما جعل هالريسيتال فريد من نوعه و مميز بأدائه …

الجوقة بتشكر كل المحبين و المشجعين و كل حدا ساهم بهالعمل الناجح … طالبة من يسوع طفل المغارة يفيض على الكل نعمه و بركاته … الجوقة مستمرة برسالتها و محبتها و عطائها و بتوعد كل المحبين بأعمال على صعيد أكبر و أهم و كلو لمجد يسوع ملك المجد

ولد المسيح هللويا … مع ميلادك يسوع كل شي تغيير .