Mahatat News
شو بتمنى اليوم ل”المسؤولين”؟؟؟؟؟…..
انو ينامو ويفيقو يلاقو حالن مخطوفين
عا كوكب ما فيه ﻻ شريعا وﻻ دين
وعليهن كل اﻷشرار مسلّطين
وتتلج الدنيي وهني عريانين
تا يسعلو ويصيرو مبحوحين
وترجع تهب رياح الخماسين
تولعن تا يصيرو مجمّرين
وكل حواسن معطلين
ﻻ سمع، ﻻ نظر وﻻ أنين
ولساناتن الطويلي بالعين
بس… يكونو بكل شي حاسين:
انو عا جبل زبالي قاعدين
وريحتن الكريها شامين
و… فجأة!!!! يطلعلن “عزرايين”
ويسألن شو حابين؟؟؟؟
تبقو متل ما انتو مسؤولين؟؟؟
للشعب مجوعين ومضيعين
واﻷموال والمناصب محتكرين
وعاملين حكام مرتبين
بتيابكن الفخمي مخبايين
والحقيقا انو انتو معفنين
للشعب والدولة ناهبين
لك وصلت معكن تصيرو هالقد واطيين!!!
عا كومة زبالي مختلفين
مين رح يطلعلو أكتر من مين…
الهيئا بعدكن مش عارفين
انو رح تفلو ايديكن فاضيين
بس….يا ويلكن….يا ويلكن من هاﻵخرة ويوم الدين!!!!!!!!
