خلصت حرب العناد وبللش الجد:

يا شعب العم تتمرا
قبال الحلوة والمره
خبرني ليش بتصرخ
جوا بيتك مش برا
عايش بزريبة ومسلخ
والنقشه صارت طرا
وبعدك بالوهم بتشمخ
مش عم تفهم بالمره
من فقرك عم تتوبخ
دينك بالتقل مجرا
وبإبرة وعد بترضخ
بغياب النفس الحره
ولخاطر نايب فشخ
بالكذبات المنحرا
بكرا بصندوق مفخخ
بترجع بتعيد الكرا
بتحط الورقة مسخسخ
فكرك تحصد بالجرا
بدم الكذب بتتلطخ
وبيقتل فيك مسره
وهلق يا مارد أملخ
بعقلك حلحل هالصره
خللي أفكارك أشمخ
من يللي بلادك وسخ
ولا تردو تاني مره

(شعر أنطون الأسمر)
مع تحياتي للشعب اللبناني المغبون